'Kabia' jardunaldia, egungo eta etorkizuneko zuzendarien topagune
'Kabia' jardunaldia. (Argazkia: Tabakalera) Zinemaldiak, Tabakalerak eta Elias Kerejeta Zine Eskolak Kabia jardunaldia antolatu dute irailaren 25ean. Ikus-entzunezkoen industrian bidea egin nahi duten gazteei zuzendutako egitasmoa da, egungo eta etorkizuneko zuzendariak elkartuko baitituzte.
10:00etatik 12:30era 2deo Tabakalerako ikus-entzunezko laborategian eta 19:00etatik 23:00etara Dabadaba aretoan izango da jardunaldia, eta bietan Nest saileko filmetako lantaldeak bertaratuko dira —mundu osoko zinema eskoletako ikasleen film laburrak lehiatzen dira sail horretan—. Era berean, Ikusmira Berriak programako egoiliarrak eta Tabakalerako langile eta ikasleak ere bertan egongo dira: Nokako errealizadoreak eta zine eskolako ikasleak, hain zuzen.
Jardunaldietan parte hartzeko gonbidapena beharko da.
