Santomasetako postuak zozkatuko dira gaur
San Tomas eguneko postua, 2021an. (Argazkia: Irutxuloko Hitza) 
San Tomas azokako txistorra postuen zozketa egingo da, gaur, 13: 00etan, udaletxeko udal batzar aretoan. Orotara, hamaika ikastetxe eta 55 elkarte onartu dira zozketan. Erakunde bakarra baztertu dute, Irrintzi Kultur Elkartea, Donostian egoitzarik ez izateagatik.
Donostiako Udalak jakinarazi duen moduan, bi zozketa egingo dira ikastetxeen eta elkarteen artean, eta talde horietako bakoitzari behin betiko zozketa postuen %75 eta %25 eskainiko zaizkio. Ikastetxeen arteko zozketa egingo da lehenik, eta, ondoren, elkarteen arteko zozketa egingo da.
Donostia Festak-ek, halaber, interesa dutenei gogorarazi die derrigorrezkoa dela zozketa horretan ordezkari bat egotea lanpostua lortu ahal izateko.
