Morlans Txiki Solidarioa antolatu dute larunbaterako, arratsalde osoko egitarauarekin
Morlansko Leire plaza. (Argazkia: Iñaki Agirre) 
Morlansen egitasmo solidario bat antolatu dute larunbaterako (hilak 18): Morlans Txiki Solidarioa. Erakunde edo kausa solidario batentzako dirua biltzeko helburuarekin, arratsalde osoko egitaraua prestatu dute: 16:00etan mus eta txintxon txapelketa egingo dute, 17:30ean txokolate jana, 18:00etatik 20:00etara haurrentzako jarduerak eta 21:00etan kontzertu akustiko txikia egingo dute; artista gonbidatu bat eta Asgarth heavy metal talde donostiarra ariko dira.
