Museum Cemento Rezolak 3D inprimaketari buruzko erakusketa bat aurkeztu du
Añorgako Museum Cemento Rezola museoak ‘3D inprimaketa .Diseinatu, fabrikatu, eraiki’ izeneko erakusketa izango du apirilaren 28ra arte, 3D inprimaketak eskaintzen duen “aukeren mundua” erakusteko. 3D inprimaketa zer den, nola inprimatzen den eta teknika horren ezaugarriak eta abantailak ezagutaraztea du helburu erakusketak eta horretarako 50 pieza erakutsiko dira automozioaren, aeronautikaren, medikuntzaren eta arkitekturaren edo diseinuaren sektoreko industrietan nola aplikatzen den azaltzeko. PLA harizpiekin, altzairu edo titanioarekin eta lurrean edo zementuan inprimatutako eraikinen prototipoak erakutsiko dira, besteak beste.
Inaugurazio ekitaldian José María Echarri Ohorezko presidente eta Heidelberg Materialseko bozeramaileak, eta Rafael Pascual Heidelberg Materialseko Añorgako fabrikako eta Museum Cemento Rezolako zuzendaria izan dira. Erakusketa Mugak Bienalaren parte da eta Arkitektura Goi eskola teknikoak bultzatu du.
