Kopatik kanpo gelditu da Ibaeta Basket
Ibaeta Basketek ezin izan zuen Valentzia mendean hartu.Ibaeta Basket 
Ibaeta Basketek kopako final-laurdenak jokatu zituen atzo, baina ezin izan zuen Valentzia mendean hartu, eta txapelketatik kanpo gelditu zen, 63-55 galduta. Huelvan (Andaluzia, Espainia) jokatzen ari da kopa, ligako lehenengo itzuliko zortzi talde onenen artean. Hain zuzen ere, donostiarrek ligako bigarren sailkatuaren aurka galdu zuten atzo.
Oso parekatuta hasi zen neurketa, 16-15 bukatu baitzuten lehenengo laurdena. Ordea, pixkanaka, Valentzia kantxan gailentzen hasi zen, bereziki bere defentsa gogorrari esker. Horrela, aldea handitu zuten bigarren laurdena amaitzerako: 36-26. Ibaeta Basket saiatu zen, baina ez zen gai izan markagailua iraultzeko: 50-38 amaitu zen hirugarren laurdena, eta 63-55 partida. Kopatik kanpo gelditu dira donostiarrak, eta liga ondo bukatzea izango da euren helburu nagusia orain.
