Bira jaialdiak hiriko sorkuntza guneen ateak irekiko ditu
Posidonia Estudioa eta beste hamabost guneren ateak irekiko dituzte. Posidonia Estudioa Donostiako hamasei sorkuntza gunek ateak irekiko dituzte, maiatzaren 9tik 11ra, Bira Donostiako sorkuntza azterlanak zabaltzeko lehen jaialdian. Ekitaldian zehar, hainbat proposamen jarriko dira abian “hiriko espazio horien jarduera ezagutarazteko eta haien arteko harremanak sendotzeko”, Birako antolatzaileen arabera. Jaialdiaren helburua askotariko estudioen arteko saretzea sustatu eta elkarren arteko babesa bultzatzea da, baita lanlekuak publikoari zabaltzea ere.
Maiatzaren 9an, 10ean eta 11n espazio guztiak herritarrei irekiko zaizkie 16:00etatik 19:00etara. Gainera, egun horietan hainbat jarduera izango dira; hala nola ostegunean, 19:00etatik aurrera, ‘Formato Norte’ espazioan erakusketa bat jarriko baitute.
Ostiralean, hilak 10, ‘Gilda’ gunean, ilustratzaileek bingo jokoa sortuko dute, espazioko artistek sortutako sariekin, 19:00etatik aurrera. Egun berean, ‘Kontrastea’ gunean, 16:00etatik aurrera, kartela sortu duten artistek lokaleko pertsiana margotuko dute.
Maiatzaren 11n, larunbata, ‘Duna’ espazioaren aurrean, 11:00etatik 19:00etara, azoka txiki bat egongo da, eta bertan sortzaileen produktuak salduko dira. Azpin, berriz, espazioko hainbat sortzaileren lanak erakutsiko dira arratsaldeko zazpietatik aurrera, eta ondoren, jaialdiari amaiera emateko festa bat egingo dute.
Donostialdeko hamasei espaziok hartuko dute parte ekimen honetan: -AZPI (Zabaleta 33, Gros), Gilda (Jose Maria Soroa kalea 25, Gros), Formato Norte (Egia 12, Egia), Santa Clara Surf Shop (Zemoria kalea, Ulia), Parkean Arte (Parke kalea 1, Amara), Duna (Duna kalea, Gros), Posidonia Estudio (Segundo Izpizua kalea 37, Gros), Estudio36 (San Antonio kalea 36, Intxaurrondo), Barro Cerámica (Jose Maria Soroa kalea 13, Gros), Kurkuma espazioa (Basotxiki 9, Intxaurrondo), Balma Studio (Latxunbe auzoa 5, Hernani),

