Hiri Lorategiaren obra esleitu du udalak, ia 13 milioi euroko aurrekontuarekin
Hiri Lorategia, Urumea Berriaren webgunetik ateratako irudia.Urumea Berri 
Tokiko Gobernu Batzarrak Loiolako Hiri Lorategia urbanizatzeko proiektuari dagozkion obren kontratua Ciudad Jardin ABEEari esleitzea onartu duela jakinarazi du Eneko Goia alkateak goizeko prentsa aurrekoan. Aurrekontua 12.928.048 eurokoa da eta 24 hilabeteko egikaritze epea du.
Hiri Lorategia 66.896 metro koadroko espazioa da, eta bertan 264 etxebizitza berri eraikitzen ari dituzte eta “bide berriak” sortuko dituztela nabarmendu du udalak, “eremua ingurunearekin lotzen laguntzeko”. Halaber, Donostiako alkateak azaldu du, baita ere, %40 babestuak direla eta 6.000 metro koadro erabiliko direla “hirugarren sektoreko erabileretarako, ekipamenduetarako, kirol kantxetarako eta aparkaleku baterako”.
