Bertan behera geratu dira 'Almazenean' antzezlaneko emanaldi guztiak
![](https://irutxulo.hitza.eus/site/files/2024/05/az-_almazenean_web.jpg)
Donostia Kulturak jakinarazi duenez, ‘Almazenean’ antzezlanaren emanaldi guztiak bertan behera geratu dira. Abuztuaren 12tik 14ra gaztelaniaz eta 26tik 28ra euskaraz eskaini behar zuten antzezlana, Antzoki Zaharrean. Sarrerak erosita zituztenei dirua itzuliko dietela jakinarazi dute, sarrera erosteko erabilitako bide beretik.
Hau da, internet bidez erositako sarreren zenbatekoa automatikoki itzuliko da, eta Antzoki Zaharreko leihatilan egindako erosketen kasuan, itzulketa leihatilan bertan eskatu beharko da.