Atotxarrekako eta Itsasargiaren pasealekuko taxibusa datorren astelehenetik aurrera egongo da erabilgarri
Linea berriak 60 minutuko maiztasuna izango du astelehenetik igandera eta bi eremuak Antiguarekin, Añorgarekin eta Dbusen sarearekin lotuko ditu.
Atotxarrekako sarrera, Añorga Txiki auzuneko biribilgunean. Beñat Parra 
Datorren astelehenean, hilak 23, Dbusek Taxibus zerbitzu berria jarriko du martxan Atotxarrekako eta Itsasargiaren pasealekuko bizilagunentzat. Zerbitzua 60 minutuero egongo da eskuragarri, baina, gutxienez, ordu erdiko aurrerapenarekin eskatu behar izango da Dbusen webgunearen edo 943 93 02 83 telefonoaren bitartez.
Hala, taxibus zerbitzu berriak egungo 47- Atotxa Erreka linea ordezkatuko du, eta horrek, Dbusen arabera, “Antigua eta Añorga auzoekiko lotura hobetzea ahalbidetuko du”. Auzotarren “eskaerei erantzunez”, linearen ibilbidea egokitu egingo da , erabiltzaileak sarbide zuzena izan dezan auzoan. Hala, ibilbidea eta bi norabidetakoa izango da, Atotxa Erreka eta Antigua eta Atotxaerreka eta Añorga artean zirkulatu beharrean. Era berean, lau geltoki berri egingo dituzte Atotxaerrekan, Añorgarako noranzkoan, eta geldialdi berri bat Añorga Txikin, Atotxa Errekarako noranzkoan.
Nolanahi ere, aurretik 47 linearekin egin den moduan, linea berriak Antiguako geltoki nagusiak izango ditu, eta horrek, hein batean, Erdialdera edo beste auzo batera joateko ibilbideak erraztuko ditu. Izan ere, Mugi, BAT, BARIK txartela edo QR edo EMV titulu digitalak erabiltzen dituzten bidaiariek doako transbordoak egin ahal izango dituzte Dbusen linea guztietan. Noizbehinkako txartela ere eskura daiteke, eskudirutan ordainduta.
