Futbola
Jove Español izango da Realaren aurkaria kopan
Zozketan Jove Españolen txartela atera den momentua. 
2024-2025eko denboraldiko Espainiako Kopa hastear da, eta, horregatik, lehenengo faseko partiden zozketa egin dute ostegun eguerdian Madrilen. 13:00etan hasi da zozketa, eta 13:30ak aldera atera da Realaren bolatxoa, Jove Español de San Vicente taldearen bolatxoaren ondoren.
Horrela, hirugarren mailako talde valentziar horren aurka jokatuko dute txuri-urdinek kopako lehenengo kanporaketa. Urriko azken astean jokatuko da kanporaketa hori, baina oraindik ez dituzte eguna eta ordua zehaztu. Partida bakarrera jokatuko da kanporaketa, valentziarren etxean; halako partidak kategoria baxuenean jokatzen duen taldearen etxean jokatzen dira beti.
