Bera Berari azken urratsa falta zaio
Donostiarrek Polonian jokatuko du Europako ligako ligaxkara iristeko kanporaketa erabakigarriaren joanekoa.
Bera Bera eta Benfica taldeen arteko kanporaketa, Portugalen.Bera Bera 
Hirugarrena eta azkena gainditzea baino ez zaie falta. Poloniako Lublin gainditu beharko du Bera Bera eskubaloi taldeak, Europa ligako multzoen fasera iristeko. Horretarako, arerio zailena izango dute aurrez aurre. Joanekoan errenta on bat edo galera txiki bat lortzea ezinbestekoa izango da helburua etxean bete ahal izateko. Izan ere, itzulerako partida hilaren 17an jokatuko dute Gaska kiroldegian (12:00). Aurreko kanporaketan Benfica hartu zuten mendean.
Futbolean, Realeko neskek etxetik kanpo jokatuko dute etzi Deportivoren aurka, Coruñan (12:00). Garaipenaren bila joango dira, Zubietan Real Madrilen kontra berdindu ostean. Mutilek ere etzi jokatuko dute Anoetan, Bartzelona liderraren aurka (21:00). Etxeko bolada horren txarra eteteko partida zailena den arren, ezustekoa ematen saiatuko dira. Eta, batez ere, Europa ligako porrot mingarria atzean uzten.
Izotz hockeyan, Txuri Urdineko mutilek soilik jokatuko dute. Aurreko jardunaldian Puigcerdaren aurka 1-10 galdu ostean, talde beraren izotz pistan ariko dira astelehenean. Emaitza hura iraultzeko joko oso ona egin beharko dute, eta, noski, gol asko egin.
Belar hockeyan, Realak ezustekoa eman nahi du Atletic Terrassaren zelaian. Etxetik kanpo hobeto moldatu dira orain arte, eta, joera horri eutsi nahiko diote etzi (12:00).
Azkenik, saskibaloian, Gipuzkoa Basketek azken porrota ahazteko partida jokatuko du bihar, Burgosen pistan (20:15).
PARTIDAK
Eskubaloia
Europa ligako QR3 kanporaketa, joanekoa
- Lublin – Bera Bera (etzi, igandea, 18:00)
Futbola
Emakumezkoen liga, 9. jardunaldia
- Deportivo – Reala (etzi, igandea, 12:00)
Gizonezkoen liga, 13. jardunaldia
- Reala – Bartzelona (etzi, igandea, 21:00)
Izotz hockeya
Gizonezkoen liga, 7. jardunaldia
- Puigcerda – Txuri Urdin (astelehena)
Belar hockeya
Emakumezkoen ohorezko maila, 8. jardunaldia
- Atletic Terrassa – Reala (etzi, igandea, 12:00)
Saskibaloia
Gizonezkoen bigarren mailako liga, 7. jardunaldia
- Burgos – Gipuzkoa Basket (bihar, larunbata, 20:15)
