Ibaeta Basketek kolpe gogorra jaso du
Ibaeta Basketen eta Ferrolen arteko partida.Ibaeta Basket 
Dena kontra izatean, zaila da ezer onik lortzea. Ibaeta Basket ezinean aritu zen atzo Galiziako Ferrol taldearen aurka, Gaska kiroldegian (68-84). Bigarren porrota jarraian izan zen donostiarrentzat, eta, ziurrenik, denboraldiko partida kaskarrenetakoa. Hamargarren jardunaldira iritsita, putzuan sartuta dago Ibaeta Basket, 13. tokian eta 12 punturekin.
Atzoko partidan, hasieratik galiziarrak izan ziren nagusi. Markagailuan aurretik jarri ziren momentutik, donostiarrak nahi eta ezin aritu ziren. Galiziarrek hogei puntuko errenta baliatu zuten norgehiagokan zehar, nahiz eta bukaerarako aldea zertxobait murriztu Ibaeta Basketek.
Porrota ahaztu eta hurrengo partidari begira jartzea besterik ez dute. Larunbatean, hilaren 7an, Gironaren kantxan jokatuko dute (18:10).
