Dibertitu dira Añorgan, laugarrenez
Pasa den urteak askorako eman zuen Añorgan, baita atzoko dibertimenduak ere. Laugarrenez egin zuten herri txiki izaeratik, herritarrentzat, eta neurrira egokituta. Bai, dagoeneko esan genezake libertimenduaren tradizioa ohitura bihurtu dutela añorgatarrek.
Añorgako dibertimenduaz gozatu dute herritarrek.Joseba Parron San Sebastian 
Dantzariak, joaldunak, antzezleak, zirtzilak, danbor jotzaileak, musikariak… eta beste hainbat protagonistek parte hartu zuten atzokoan. Ohiko bidetik, ohiko helmugara. Eta ohitura bihurtu dutenez, Giri epaitu zuten plazan, eta su eman zioten. Kiskali bitartean, The Pogues taldearen Dirty Old Town (Herri zahar hau) abestiaren euskarazko aldaera abestu zuten.
Dibertimendua egin aurretik, Gari Otamendi sustatzaile taldeko kideak hedabide honi esandakoa berretsi zen: «Toki askotan dagoen inauteri eredu bat gure parametroetara, gure beharretara, gure gorputz, musika eta ahozko hizkuntzara ekarrita; gure neurrira egindako inauteri bat sortu dugu». Esan eta izan.
Irudi bilduma mardul, koloretsu eta umoretsua osatu du Joseba Parron San Sebastian argazkilariak.
Xalba Ramirezek egindako argazkiak hemen.
