Antirrazismoa
«Deriba faxista» geratzeko «konpromiso instituzionala» har dezan eskatuko dio KASek udalari elkarretaratze batean
KAS eta Harrera Sarearen agerraldia, Manteoko kaleratzearen kontra. Xalba Ramirez 
Azken asteotako gertakariekin larrituta, elkarretaratzea antolatu du Kaleko Afari Solidarioak Donostiako Udalaren aurrean, udalari “adierazpen instituzionala exijitzeko”.
Salatu dutenez, “Donostian, beldurra sortzeko eta diskurtso arrazistak justifikatzeko erabiltzen ari dira migrazioa. Gazte migratzaileak kriminalizatzen dira, haien eskubideak urratuz eta deshumanizazioa normalizatuz”. Horren aurrean, “gorrotoaren konplize” ez izateko deia egin dute: “Konpromiso instituzionala, benetako segurtasuna eta giza eskubideekiko errespetua eskatzen dugu. Geldi dezagun deriba faxista hau”.
Prentsaurrekoa, ostegunean, hilak 3, izango da, 12:00etan Ijentea kalean.
