'Literatura jazarriak' hitzaldi zikloa aurrera eramango dute maiatzean
Idazteagatik jazarriak direnak eta izan direnak gogoratzea xede du egitasmoak.
Miguel de Unamuno hizpide izango du Itxaro Bordak. 
Ateneo Guipuzcoanok, Donostia Kulturaren laguntzarekin, Literatura jazarriak izeneko hitzaldi zikloa antolatu du, hirugarrenez. Idazteagatik jazarriak direnak edo izan direnak gogoratzea du xede eta maiatzero egitea da antolatzaileen asmoa.
Hilaren 8an hasita, saioak ostegunero aurrera eramango dituzte San Jeronimo kaleko Liburutegi Nagusian, 19:00etan. Lehena, euskaraz izango da, eta gainerakoak, gaztelaniaz.
Maiatzaren 8an, Itxaro Borda idazle, itzultzaile eta euskaltzainak Unamuno Hendaian (1925-1930) hitzaldia emango du.
Maiatzaren 15ean, Lu Xun y Shen Congwen: dos caras de la modernidad literaria china hizpide izango du Maialen Marin-Lacarta txinatar literatura itzultzailea eta Bartzelonako Unibertsitate Autonomoko irakasleak.
Maiatzaren 22an, La vida de la escritora Irène Némirovsky hitzaldia emango du Mathilde Tremblais ikertzaile eta Nafarroako Unibertsitate Publikoko irakasleak.
Maiatzaren 29an, Un payaso de nailon que enreda y trueca las consignas: el caso Padilla mintzagai izango du Francisca Noguerol ikertzaile, Literatura Hispanoamerikarreko katedradun da eta Espainieraren Ipar Amerikako Akademiako kideak.
