Illunbeko aisialdi gunea eraisteko obrek eragina izango dute Anoetan
Hasi dira Illunbeko aisialdi gune zaharkitua eraisten. Lan horiek aldi baterako eragina izango dute Anoetako kirol eremuko oinezkoen mugikortasunean. Era berean, han egiten diren ekitaldien egunetan, sartzeko arazoak sor daitezke. Horrela ere, joan-etorrikoak bermatuko dituztela adierazi du udalak.
Lanak Anoetako kirol gunearen eta Illunbeko aparkalekuaren arteko oinezkoentzako ohiko pasabidean izango du eragina. Zehazki, GI-20 saihesbidea gurutzatzen duen pasabidearen azken zonaldean.
“Udalak aldez aurretik eskertu nahi du herritarren laguntza eta ulermena, eta obra horiek egin bitartean ahalik eta eragozpen gutxien sortzeko konpromisoa berretsi du, epe ertainean hiri ingurunea nabarmen hobetuko baita”, adierazi dute udaleko iturriek.
