Santa Rita eta Santa Quiteria irudikatzen duen tailua jarriko dute gaur Portaletan
Euskal Billera elkartearen ekimenez, marinel tradizioa berreskuratuko dute, fededunek irudia gurtzeko aukera izan dezaten.
Santa Rita eta Santa Quiteriaren irudia jarriko dute gaur Portaletan.Euskal Billera elkartea
Urtetako etenaren ondoren, Euskal Billera elkarteak bigarren urtez jarrian, erlijio irudi baten horma hobi tradizionala jarriko du gaur Portaletan. Santa Rita eguna da gaur, eta askorentzat, tailuak Santa Rita eta Santa Quiteria irudikatzen ditu eta hura gurtzeko ohitura zegoen kaian. Goizeko lehen orduan, 09:00etan, jarriko dute loreekin batera, fededunek gurtu dezaten eta 19:30an, Santa Maria basilikako pastoraleko kideek, omenaldi xume bat egingo diote, Ozenki Otxoteak alaituta.
Irudiak jatorri ezezaguna du, baita teoria guztiek arrantzale baten erreskatearekin lotzen duten, ontzi baten brankako maskaroiaren parte zelakoan. Lehorrera ekarri, eta kaira sarbidea zen Itsas Atearen ondoan jarri zuten, alegia, Portaleta ondoko harresiko atean. Marinel tradizioaren arabera, itsasgizonak babesten zituen.
Dirudienez, tailua ez dator kaiko San Pedro elizatik, ezta Parte Zaharreko bietatik ere; kaiko Urretabizkaia familiarena da.
