‘Hiru Mugak’: sorkuntza eta lurraldetasuna bat eginda
'Hiru mugak' erakusketa jarri dute Aieteko kultur etxean.Donostia Kultura 
Aieteko kultur etxeak Hiru Mugak erakusketa kolektiboa hartuko du, datozen asteetan. Erakusketak hiru sortzaileren lanak biltzen ditu, bakoitzak bere estilo eta teknikatik (pintura, eskultura eta instalazioa) lurraldearen, identitatearen eta oztopoen inguruko begirada eskainiz.
Antolatzaileen esanetan, erakusketaren helburua ikuslea bere barne mugei zein inguruko muga grafikoei buruz pentsaraztea da, artearen bitartez. Gainera, erakusketaren bidez, muga hitzak hartzen dituen esanahi desberdinak arakatu nahi izan dituzte: administratiboak, naturalak eta pertsonalak.
Jarduera osagarriak
Erakusketaz gozatzeaz gain, Aieteko kultur etxeak hainbat jarduera paralelo antolatu ditu, gaiari sakonago heltzeko. Bisita gidatuak eta artistekin solasaldiak egongo dituzte, prozesu sortzailea hurbiletik ezagutzeko aukera emanez bisitariei.
Erakusketa gaurtik ekainaren 7ra bitarte dago ikusgai eta egunero egongo da zabalik, ordutegi desberdinetan: asteartetik ostiralera, 16:00-20:30; larunbatetan, 10:00-14:00 eta 16:30-20:00 eta igandeetan 10:00-14:00. Sarrera doakoa da.
