Osakidetzak ospitaleratzeak saihesten dituen eredu berritzaile bat finkatu du Donostian, paziente kronikoentzat
Osakidetzak ospitaleratzeak saihesten dituen eredu berritzailea finkatu du Donostian, paziente kronikoentzat.Eusko Jaurlaritza 
Osakidetzak jauzi kualitatibo bat eman du paziente zaurgarri eta kronikoen arretan: ospitaleratzeak saihesten dituen eredu berritzaile bat finkatu du Amara-MMA (Maneiu Mediko Anbulatorioa) Eguneko Ospitalean.
Zentro hori adineko pertsonentzat eta gaixotasun anitz dituztenentzat da, bereziki. Paziente horientzat, ospitale arrunt batean egoteak okerrera egiteko arriskua dakar, sarritan. Eredu berri honekin, ordea, tratamendu konplexuak eta proba diagnostikoak ingurune erosoago eta hurbilago batean jasotzen dituzte, etxera itzultzeko aukerarekin. Horri esker, sei aldiz handiagoa izan da larrialdietatik pasa gabeko zuzeneko ospitalizazioen kopurua.
Urtebeteko datuak
2025eko otsailetik gaurdaino, zentroak 2.209 paziente artatu ditu, eta, datuek, erizaintza nabarmendu dute: premiazko deien %65a esku hartze medikoaren beharrik gabe ebatzi dira, eta egindako 1.000 balorazio baino gehiagotik, 325 pazienteen bizilekuan bertan konpondu dira.
Gainera, eguneko ospitaleko jardueraren erdia baino gehiago presazkoa eta programatu gabea izan da. Horrek erakusten du baliabide honek duen gaitasuna krisi klinikoei modu arinean erantzuteko, ospitalea kolapsatu gabe.
Osasun Itunarekin bat
Proiektua Euskadiko Osasun Itunaren ildo nagusien barruan kokatzen da. Helburua ez da bakarrik arreta hobetzea, baita Lehen Mailako Arretaren eta ospitalearen arteko koordinazioa indartzea ere.
Alberto Martinez Osasun sailburuak adierazi duenez, eredu hau “baliagarria eta jasangarria” da, itxaronaldiak murriztu eta pazientearen nahiz zaintzailearen bizi kalitatea hobetzen dituelako.
