Ben Sims gehitu da Dantz festibaleko aurtengo kartelera
Hamar urte beteko ditu aurten Dantz festibalak.Artxiboa 
Dantz festibalak 2026ko hamargarren edizioko kartela osatu du Ben Sims technoaren erreferente britainiarra gehituta. Jaialdia abuztuaren 28an eta 29an egingo da, Miramongo Anfiteatroan.
25 urte baino gehiagoko ibilbidea duen Simsek nazioarteko underground eszenan erreferentziazko tokia lortu du, bere estilo energetikoagatik eta hardgroove, funk eta technoaren sustraiekin duen loturagatik. Antolatzaileen arabera, haren parte-hartzea edizio honetako mugarri nagusietako bat da.
Hamargarren urteurrena ospatuko duen edizio honetan, nazioarteko, estatuko eta tokiko artistak bilduko dira. Kartelaren buru izango dira Röyksopp, Ben Sims, Nastia, Mark Broom, Tiga, Adiel, Satoshi Tomiie, Anthony Rother (Hybrid Set) eta Kangding Ray. Horiekin batera ariko dira, besteak beste, Lis Sarroca, Anah, Yahaira eta Angela Grief, baita euskal eszenako Acelga (Live), Divorce From New York (Live), INES, Ope Loeb, P3z, Syntetriks (Live), Ena Laforet, Gisa, Adrien Body eta Kintana ere.
Jaialdiak bi agertoki izango ditu berriro ere Miramonen —Main Stage eta Frontoia—, eta musika elektronikoaren adierazpen ezberdinak hartuko ditu, technoa, housea, electroa eta proposamen esperimentalak uztartuz.
Antolakuntzak jakinarazi du abonuen egungo prezioa kartel osoaren iragarpenaren ondorengo 48 orduetan mantenduko dela, eta ondoren prezio igoera aplikatuko dela.
