Zezenketak
Gipuzkoa Antitaurinak udalaren inkoherentzia salatu eta manifestaziora deitu du
Aurreko urtean ere egin zuten manifestazioa. Artxiboko irudia.Joseba Parron San Sebastian 
Gipuzkoa Antitaurinak Donostiako Udalaren inkoherentzia salatu du Donostiara 2040. Topera proiektuaren barnean zezenketak mantendu eta sustatzeagatik. Zezenketen aurka egiten duen plataformaren arabera, bateraezina da zezenketak sustatzea eta “abangoardian egon nahi duen hiri erreferentea” izatea.
Plataformak gaitzespena adieraztea eskatu du, beste urte batez Donostian hiru zezenketa egingo direlako eta zezenketak Donostiako jaietatik eta kulturatik at geratu dadila eskatu du.
Horregatik, urtero legez, Aste Nagusian manifestatzera deitu du Gipuzkoa Antitaurinak, abuztuaren 8an 18:00etan. Bulebarretik hasiko da manifestazioa, Hernani kalearekin topatzen den lekuan.
