EHUri CAFekin duen harremana guztiz eteteko eskatu diote
Elkarretaratzea egin du EHU Palestina mugimenduak Carlos Santamaria liburutegi parean.Joseba Parron San Sebastian 
EHU Palestina mugimenduak EHUri eskatu diote CAFekin duen harremana eteteko. Izan ere, Francesca Albanese NBEko Palestinak lurralde okupatuetako giza eskubideen egoerari buruzko Espazio Kontalari Berezia da, eta berak kaleratutako txostenean “CAF apartheidaren eta genozidioaren onuradun diren enpresen artean aipatzen da”.
Mugimenduak gogorarazi du orain arte unibertsitateak bi lankidetza hitzarmen izan dituela CAFekin; bata Bilboko Ingeniaritza Eskolan, “CAFen presentzia egonkorra bermatzen duen gela bat izateko”, eta bestea ikasleek CAFen kanpo praktikak edo Grado eta Master Amaierako Lanak egiteko. EHUk lehen hitzarmena bertan behera utzi duela “azken egun hauetan” jakin dutela eta albistea “poz handiz” hartu dutela nabarmendu dute kideek.
Hala ere, beste hitzarmenak indarrean jarraitzen duela salatu du mugimenduak: “EHUri exijitzen diogu CAFekin indarrean duen bigarren hitzarmen hori ere berrikusi eta eteteko, eta CAFekin batera praktikak zein Gradu eta Master Amaierako Lanak eskaintzeari uzteko”.
