«Mugetatik eta belaunaldietatik haratago», Palestinaren aldeko kontzertu solidarioa egingo dute
Joubran anaiak lautea jotzen kontzertu batean. Donostia Kultura 
Le Trio Joubran taldeak, hiru anai palestinarrek sortua, Viktoria Eugenia antzokian kontzertu solidarioa eskainiko du abenduaren 18an, 19:30ean. 20 Springs proiektuarekin dator taldea Donostiara, “mugetatik eta belaunaldietatik haratago doan bidaia musikala” eskaintzeko asmoarekin.
Hiru anaiek –lautea jotzen dut-, hari laukote batek eta perkusioaren laguntzaz osatutako taldeak, Le Trio Joubranek bi hamarkadetan zehar egindako musika sorkuntza, esplorazio artistikoa eta historia partekatua ospatuko dute.
Kontzerturako sarrerek 25 euroko prezioa dute eta azaroaren 2an, 11:00etan, jarriko dira salgai Donostia Kulturaren webgunean eta Viktoria Eugenia antzokiko leihatiletan. Halaber, bertaratu ezin, baina donazioa egin nahi duenak, aukera izango du baita ere, sarrerak erosteko plataforma berberean. Lortutako dirua Oxfam Intermon Gobernuz Kanpoko Erakundeari emango zaio palestinar herria laguntzeko egitasmoetarako.
