Iraileko Txoroskopoa
(Argazkia: Xalba Ramirez) VIRGO
Abuztuaren 23tik irailaren 22ra
Zenbat alarma jartzen dituzu esnatzeko? Hainbeste abisu behar badituzu jaso beste hau: Bada garaia esnatzeko denbora hartu eta goiza lasai hartzeko, egun osoan mantenduko duzu lasaitasun hori, eta eskertuko duzu. #KasuAlarmarekin
AQUARIUS
Urtarrilaren 20tik otsailaren 18ra
Estropaden ostean karterak zuloa duela ikusiko duzu. Zenbat lagun gonbidatu zenituen? Lagunak erosteko asmoz, ala? #KarteraBerriaErosi #KarterariPinaJarri
PISCIS
Otsailaren 19tik martxoaren 20ra
Lanera itzulerak ekartzen ditu makina bat gripe, baina zuk baduzu zure propoli propioa horri aurre egiteko: Irrikitaldian etxera eraman zenuen laguntxoa. #UdaOndoProbestua
ZAPABURIUS
Otsailaren 29tik 31ra
Eguzki zein euri, bero sapa eta izozte. Prest zaude denerako, prest erasorako. Segi hegaka lurretik bi zentrimetrora, eredu zara eta. #4×4
ARIES
Martxoaren 21etik apirilaren 19ra
Zinemaldi Alternatiboa iritsi zaigu! Urtea zain, eta hemen da! Lantaldera batu nahi duzula? Pelikulak ikusi nahi dituzula? Dokumentalak komentatu nahi dituzula? Zerbezeo peliplan zoragarria dela? #EzPentsatuGehiago #Toz
TAURUS
Apirilaren 20tik maiatzaren 20ra
Estropadak, Porrontxoak, Zinemaldi Alternatiboa… pentsatze hutsak barruko arra pizte dizu. Adi Aquariusekin, urak motel ditu eta oraingoan.
GEMINI
Maiatzaren 21etik ekainaren 22ra
Airean dantzan eta ametsetan. Dena duzu posible, baina nola? Nola galderari erantzuteko: hartu Taurus (lurra) ondoan Polboriñeko tabernan (adibidez) eta edan killer batzuk. #KapitainPlanet
CANCER
Ekainaren 23tik uztailaren 22ra
Odola gaiztotuta eduki ohi duzu, eta hori baretzeko besteena gaiztotzen saiatu izan zara. Esan EZ! Zeure barruak garbitu eta besteenak bakean uzteko unibertsoa zure esku duzu.
Laguntzeko Leo duzu ondoan.
LEO
Uztailaren 23tik abuztuaren 22ra
Hartu liburu bat, irakurri lehenengo esaldia. Itxi. Ireki azkeneko orrialdea, irakurri azkeneko esaldia. Itxi. Idatzi esaldi bat biak lotuko dituena. Ariketa egiten duzun bitartean konturatuko zara udazkena iritsi dela. #GaurEreEuriaAriDu
LIBRA
Irailaren 23tik urriaren 22ra
Irakasleen oporrak sufritu ondoren, bigarren kapitulua: Lanera bueltatzearen drama jasan behar izan duzu zure inguruan, esleipenak gora, bi herenak behera. Ihes egin, izurritea bezela zabaltzen da eta. #FueraFuera
ESKORPIUS
Urriaren 23tik azaroaren 21era
Kultur-kirolean iaioa zara, ederki uztartzen dituzu Pirinioak eta kontzertuak. Ikasturte hasieran ere mantendu oreka: ikusi estropadak sagardo pixka batekin #KrossFitEzEskerrikAsko
SAGITARIUS
Azaroaren 22tik abenduaren 21era
Arriskatzea hori da, jokatu eta emaitza onartu. Jarri indarra prozesuan, hortan dago benetako saria, emaitza ez dago eta zure esku. #ZorroztuAizkora
CAPRICORNIUS
Abenduaren 22tik urtarrilaren 19ra
Zulo distiratsuan bizi zara, like bat reels bi. Gero eta hondoratuago zaude, baduzu garaia mendian txabolak nola egiten diren ikusteko. Jarri distira analogikoari. #PantalletatikUrrun
