Winnie the Pooh askatu!
Lesbian Vampire Killers (2009) filmak %28ko balorazioa du Rotten Tomatoes zinema eta telebista kritikak biltzen dituen webgunean. The Times-ko James Christopherrek «izugarri ikaragarri» gisa deskribatu zuen. The Independent-eko Anthony Quinek bost izarretik bakarra eman zion, «tamalgarria» dela ziurtatuz.
Izango dira hogei urte (tira, Wikipediaren arabera, hamazazpi…) Winnie the Pooh askatu! Fantasiazko eta Beldurrezko Zinemaren Astean gure leloa izan zenetik. Eta Winnieri Lesbian Vampire Killers izugarri gustatu zitzaion.
Hamaika urte geroago, Winnie, oraindik, Astera gerturatzen da, baita ilarara ere. Rebordinostik Josemira, Rebor quédate! agurretik hona… Winnieren, David iratxoaren eta monje frantziskano mozkorraren urteen herena idazle honen bizitzaren oso zati garrantzitsua izan da, oraindik ere bada, eta espero dut hala izaten jarraitzea. Eta Lesbian Vampire Killers Astean mitikoa dela ulertzen ez duenak, ez du Astea ulertzen.
«Oihukatu filmei eta izutu astera lehen aldiz film bat ekarri duten hasiberri horiek. ‘Astelaria’ izatea bizitzan gertatu zaidan gauzarik hoberenetakoa da»
Hainbeste oroitzapen, jada hemen ez dauden lagunak… Badaude dirautenak oraindik. Carmenek ikusi zuen, nola, Luckyk eta zuen zerbitzari xumeak whiski botila ilegal bat edan genuen… Etortzen ziren japoniarrak, bueltan etorriko direla espero dut, urtero. Supermerkatu katearen iragarkia, astearen zati hoberenetakoa dena. Mad Heidi, bi metro baino gehiagoko alabarda batekin, batetik bestera gaizkile denak akabatzen. Eta film bereko gaiztoa, jendea torturatzen gazta suitzarraren fondue batekin. Eta nire haserre amaigabea, El Cebo de Vadja espainiar film klasikoa ez dutelako, ez Reborrek, ez Josemik, inoiz jarri. Ezta La tumba de las luciérnagas ere.
Spirit bat erosi dezakezun azokatik ere paseo bat eman, astia baduzue.
Oihukatu filmei eta izutu astera lehen aldiz film bat ekarri duten hasiberri horiek. «Astelaria» izatea bizitzan gertatu zaidan gauzarik hoberenetakoa da.
Jokin, Irene, Lucky, Eva, Maider eta astelari guztientzat.
Winnie the Pooh askatu!
Askatasuna niretzat!
