Igandean, Herri Kontseilu berria aukeratzeko hauteskundeak
Iritsi da Herri Kontseilu berria aukeratzeko eguna. Igandean (maiatzak 26) egingo dira hauteskundeak eta lanerako prest dauden 9 herritarrek taldea osatu dute. Horixe izango da bozkatu beharrekoa.
Apirilean zehar proposamenak aurkezteko aukera izan zen. Partaidetza zabal baten ondoren, banan-banan proposatutako herritar bakoitzari hautagai izateko aukera luzatu zaio.
Guztira, proposatutako 9 herritarrek erakutsi dute Herri Kontseilu berrian lan egiteko prestutasuna. Ikusirik Herri Kontseilua 9 pertsonek osatzen dutela, hautagaiek taldean aurkeztea erabaki dute.
Halaxe azaldu dute Hauteskunde Batzordeko kideek: «Azken asteetan izandako batzarretan hala erabakita, izenak bozkatu beharrean, taldeari emango zaio babesa».
Herri Kontseiluaren garrantzia ere azpimarratu dute: «Guztiok dakizkigu herri txiki batean egunerokotasunean sortzen diren zailtasun eta beharrak. Hain zuzen ere, Igeldoko Herri Kontseilua erronka horiei erantzuteko taldea da. Baita Igeldo eta Donostiako Udalaren arteko zubi lana egiteko sortutako herri ordezkaritza ere».
Eta aurkeztu den talde honi babesa adieraztea behar beharrezko dela ere gaineratu dute: «Talde honek ezinbestekoa ikusten du herritarren babesa, abiatzera doazen bideari indarrez ekiteko. Beraz, hauteskunde hauetan garrantzitsua ikusten dugu aurkezten den talde honi zuen bozka ematea».
NOIZ: maiatzaren 26an 9:00-20:00
NON: Itsas Aurre kultur etxean
NOLA: boto paperarekin bozkatuz
NORK: 16 urtetik gorakoak
HAUTAGAI TALDEKO KIDEAK:
1. Iraitz Santa Kruz Ugalde, 35 urte. Irakaslea.
2. Eneko Dorronsoro Aierbe, 41 urte. Baserritarra.
3. Aratz Urruzmendi Lizeaga, 29 urte. Jangelako langilea.
4. Ainhoa Uranga Uzkudun, 37 urte. Arkitektoa.
5. Iñaki Imaz Munduate, 40 urte. Administraria.
6. Pello Galarraga Treku, 41 urte. Lorazaina.
7. Jexux Albeniz Albeniz, 47 urte. Harakina.
8. Jaione Dorronsoro Illarramendi, 35 urte. Irakaslea.
9. Asier Sota Jaimerena, 44 urte. Aktorea.
Iritsi da Herri Kontseilu berria aukeratzeko eguna. Igandean (maiatzak 26) egingo dira hauteskundeak eta lanerako prest dauden 9 herritarrek taldea osatu dute. Horixe izango da bozkatu beharrekoa.
Apirilean zehar proposamenak aurkezteko aukera izan zen. Partaidetza zabal baten ondoren, banan-banan proposatutako herritar bakoitzari hautagai izateko aukera luzatu zaio.
Guztira, proposatutako 9 herritarrek erakutsi dute Herri Kontseilu berrian lan egiteko prestutasuna. Ikusirik Herri Kontseilua 9 pertsonek osatzen dutela, hautagaiek taldean aurkeztea erabaki dute.
Halaxe azaldu dute Hauteskunde Batzordeko kideek: «Azken asteetan izandako batzarretan hala erabakita, izenak bozkatu beharrean, taldeari emango zaio babesa».
Herri Kontseiluaren garrantzia ere azpimarratu dute: «Guztiok dakizkigu herri txiki batean egunerokotasunean sortzen diren zailtasun eta beharrak. Hain zuzen ere, Igeldoko Herri Kontseilua erronka horiei erantzuteko taldea da. Baita Igeldo eta Donostiako Udalaren arteko zubi lana egiteko sortutako herri ordezkaritza ere».
Eta aurkeztu den talde honi babesa adieraztea behar beharrezko dela ere gaineratu dute: «Talde honek ezinbestekoa ikusten du herritarren babesa, abiatzera doazen bideari indarrez ekiteko. Beraz, hauteskunde hauetan garrantzitsua ikusten dugu aurkezten den talde honi zuen bozka ematea».
NOIZ: maiatzaren 26an 9:00-20:00
NON: Itsas Aurre kultur etxean
NOLA: boto paperarekin bozkatuz
NORK: 16 urtetik gorakoak
HAUTAGAI TALDEKO KIDEAK:
1. Iraitz Santa Kruz Ugalde, 35 urte. Irakaslea.
2. Eneko Dorronsoro Aierbe, 41 urte. Baserritarra.
3. Aratz Urruzmendi Lizeaga, 29 urte. Jangelako langilea.
4. Ainhoa Uranga Uzkudun, 37 urte. Arkitektoa.
5. Iñaki Imaz Munduate, 40 urte. Administraria.
6. Pello Galarraga Treku, 41 urte. Lorazaina.
7. Jexux Albeniz Albeniz, 47 urte. Harakina.
8. Jaione Dorronsoro Illarramendi, 35 urte. Irakaslea.
9. Asier Sota Jaimerena, 44 urte. Aktorea.
