Ilusioz beterik desfilatu dute etxeko txikiek

Estitxu Zabala

2017/01/20

Biteri Zuhaizti eskola publikoko haurrak. (Argazkia: Estitxu Zabala)

San Sebastian egunean, goizeko protagonistak haurrak izan dira, inolako zalantzarik gabe. Ohiturari jarraiki, Alderdi Ederren elkartu dira, eta 12:00etan elkarrekin San Sebastian Martxa eta Donostiako Aintzinako Ereserkia jo dituzte, Danbor Nagusiaren zuzendaritzapean. Jarraian, desfileari hasiera eman diote, Sarriegi maisuaren melodiak interpretatuz: Diana, Iriyarena, Polka, Erretreta eta Tatiago… Euskal Billeraren konpainia, duela 90 urte atera zen lehen aldiz, eta lehenengo urteetan bera izan zen haurren ordezkari bakarra. Bertako kideekin egon da IRUTXULOKO HITZA.