Idiakez kaleko 6. zenbakiaren zati bat eraberrituko dute. (Argazkia: Google Maps) Donostiako Udalak onartu du Ayelis SL enpresak eskatutako lizentzia ematea, Idiakez kaleko 6. zenbakian dagoen eraikinaren zati bat berritzeko. Erreformak 29 etxebizitza eraikitzea ahalbidetuko du eta bi urteko epean egin beharko da.
Eraikina Gizarte Segurantzaren Diruzaintza Nagusiaren garai bateko egoitza da, eta Gizarte Segurantzak berak saltzea erabaki zuen. Eraikin horretan hotel bat jartzeko zurrumurrua zegoen, baina Eneko Goia alkateak nabarmendu du ez dela horrela izango. “Eraikin bat husterakoan hotel bat eraikitzeko izaten dela esaten dute batzuek. Oraingoan, ordea, etxebizitzak egingo dituzte. Hori bai, duen kokapenarengatik ez dira merkeak izango”, azaldu du alkateak.
15 urtez, Donostia bere hartan erakutsi du IRUTXULOKO HITZAk. Argi dugu kalitatezko eta gertuko edukia eskaintzen jarraitzea dela gure ardura oraingo egoera zail honetan ere. Horregatik, etxetik bada ere, donostiarrontzat etengabe lanean jarraitzen dugu!
Baina bide honetan segitzeko, ezinbestekoa da zure konpromisoa, zuek ere HITZA hartzea.
