Donostiako hainbat parketan hobekuntzak egingo ditu udalak
Araba parkeko lurzorua aldatuko du Donostiako Udalak. (Argazkia: Hitza) Donostiako Udalak erabaki du hiriko hainbat haur parketan hobekuntzak egitea, eta horretarako, hiru kontratu esleitzeko espedienteak onartu ditu.
Lehenik, Nafarroa Beherea, Baldomero Anabitarte, Azkoitia eta Alice Gulick plazetan jolasak zein lurzorua aldatuko dituzte, 235.100 euroko aurrekontuarekin eta hilabeteko epearekin.
Bigarrenik, Katalunia plazako, Araba parkeko, Hiru Damatxo plazako eta Ametzagainako haur parkeetako lurzorua ere aldatuko dituzte, 135.400 euroko aurrekontuarekin eta bederatzi asteko epearekin.
Azkenik, hiriko auzo askotako 24 parketan hobekuntzak egingo dituzte, 123.000 euroko aurrekontuarekin eta sei asteko epearekin.
