Danborrada grabatzen ari dira Viktoria Eugenia Antzokian
Haur danborrada gehienetako ordezkariak aritu dira gaur aurtengo haur danborrada berezia grabatzen. (Argazkia: Joseba Parron San Sebastian) 
Koronabirusa dela eta, aurtengo San Sebastian Eguna berezia izango da, ez baita jai girorik izango Donostiako kaleetan. Horren ordez, udalak streaming bidez eskainiko du bandera igoera, baita herritarrak balkoietan San Sebastian martxa jotzera animatu ere. Zuzeneko emanaldi horretan jarriko duten bideoa egunotan grabatzen ari dira Viktoria Eugenia Antzokian, hilaren 20rako dena prest izateko. Astelehenean hasi ziren grabaketa lanekin, eta asteazkenera arte arituko dira buru-belarri lanean. Bestalde, herritarrak euren balkoiak eta leihoak apaintzera deitu ditu, San Sebastian Eguna hirian presente egoteko. Bihar emango dituzte streaming-aren eta bestelako proposamenen inguruko xehetasunak.
Joseba Parron San Sebastian argazkilaria grabazioan izan da, eta egindako argazkiak bilduma batean jaso ditugu:
