Loiolako Erribera: planoetatik komunitatera
Kirol emaitzak

Bera Bera garaipenarekin itzuli da

bera bera Esther Arrojeria jokalaria. (Argazkia: Atletico Guardes)

Bera Bera txapelketa ofizialera itzultzeko gogoz zegoen, eta indartsu itzuli da, 22-31 irabazi baitzion Atletico Guardesi larunbatean jokatutako partidan. Esther Arrojeriak norgehiagoka bikaina jokatu zuen, eta talde donostiarrak A multzoko lidergoa Rincon Fertilidad Malagarekin borrokatzen jarraitzen du.

Saskibaloian, albiste on bat eta txar bat izan dira, Ibaeta Basketek 70-58 irabazi baitio Quesos El Pastor taldeari, baina Gipuzkoa Basket ez da gai izan Bartzelonari aurre egiteko, eta 68- 110 galdu du. Horrela, Ibaeta Basket sailkapenaren erdian dago, zortzigarren postuan, Gipuzkoa Basket gizonezkoen ligako azkena den bitartean.

Izotz hockeyan ez da albiste onik izan, Txuri Urdinek ezin izan baitio aurre egin Bartzelonari. Talde katalana argi gailendu zen, eta 6-1 garaitu zituen donostiarrak.

Azkenik, futbolean Realeko bi taldeen emaitzak berdinak izan dira: 2-2. Nesken kasuan, Eibar aurreratu zen lehenengo, baina txuri-urdinek berdinketaren gola lortu zuten 80. minutuan. Eibarrek, ordea, ez zuen amore eman, eta 2-1-ekoa sartu zuen 86. minutuan, baina Realak ere ez zuen amore eman, eta partida berriz berdindu zuen, amaitzear zela. Mutilek, aldiz, azken minutuetan galdu zituzten hiru puntuak, 2-0 heldu baitziren azken bost minutuetara, baina Betisek bi gol sartu zituen, eta berdinketarekin amaitu zen partida.

ESKUBALOIA

Emakumezkoen ohorezko maila, 9. jardunaldia

Atletico Guardes 22 – Bera Bera 31

SASKIBALOIA

Emakumezkoen lehen maila, 22. jardunaldia

Ibaeta Basket 70 – Quesos El Pastor 58

ACB liga, 21. jardunaldia

Gipuzkoa Basket 68 – Bartzelona 110

IZOTZ HOCKEYA

Gizonezkoen lehen maila, 13. jardunaldia

Bartzelona 6 – Txuri Urdin 1

FUTBOLA

Emakumezkoen lehen maila, 16. jardunaldia

Eibar 2 – Reala 2

Gizonezkoen lehen maila, 20. jardunaldia

Reala 2 – Betis 2

HITZAkide HITZAkide