Azoka ibiltaria Antiguan izango da, larunbatean
Hilabeteko azken larunbatean izaten da azoka ibiltaria Antiguan. (Argazkia: Behemendi) Bertako produktuak salduko dituzte larunbatean Antiguako Gaskoinia plazan, azoka ibiltaria bertan izango delako goizean zehar. Behemendi Landa Garapenerako Elkarteak antolatutako azoka 09:30etik 14:30era izango da Antiguan, bertako produktuak saltzen. Hernaniko, Errenteriako, Urnietako, Soraluzeko, Zestoako eta Aizarnazabalgo baserritarrak izango dira denetariko produktuak saltzen: fruta, barazkiak, fruitu lehorrak, gazta, ogia, ahate produktuak, tartak, gozoak, eztia, loreak eta landareak, besteak beste.
Behemendik antolatutako azoka ibiltaria hilabeteko lehen larunbatean Amarako Easo plazan izaten da, azken aurreko larunbatean Groseko Katalunia plazan, eta hilabeteko azken larunbatean, berriz, Antiguako Gaskoinia plazan.
