Hiriak 100.000 biztanleko 500 kasuen langa gainditu zuen asteartean. Ondorioz, bihartik aurrera, ostalaritza establezimendu guztiak itxi beharko dituzte, Donostia berriz ere eremu gorritik irten arte, gutxienez.
Hiriko intzidentzia metatuak gora egin du beste behin. Une honetan, 530,73koa da, eta 82 koronabirus kasu zenbatu zituzten atzo. Ostalaritza ixteaz gain, bihartik aurrera ezingo da taldeko kirola egin, talde profesionalen eta erdi profesionalen kasuan izan ezik.
Astelehen gauerdian Ertzaintzak 19 urteko gizon bat atxilotu zuen, sexu indarkeria kasu batengatik. Gertaturikoa gaitzesteko minutu bateko isilunea egin dute urteko lehen udalbatzarrean.