19 koronabirus kasu positibo Donostian
Intzidentzia metatua 338,83koa da, eta Bidebieta dagoeneko ez dago eremu gorrian. Beraz, Donostiako auzo guztiek eremu gorrian egoteari utzi diote.
Intzidentzia metatuak berriro ekin dio joera beherakor jarraia izateari. (Argazkia: Beñat Parra) 
Eusko Jaurlaritzak argitaratu dituen datuen arabera, 19 koronabirus kasu positibo zenbatu zituzten atzo Donostian. Intzidentzia metatua 338,83koa da une honetan. Atzo 360,76koa zen, eta herenegun 373,92koa. Beraz, intzidentzia metatuak behera egiten jarraitzen du, zenbait astetan izandako positibo kopuru baxuenarekin.
Intzidentzia metatuak proportzio bat neurtzen du; alegia, zenbat pertsona gaixotu diren azkeneko hamalau egunetan zati zenbat pertsona osasuntsu zeuden periodo horren hasieran; ondorioz, birusaren kutsatzen abiadura erakusten du. Jaurlaritzaren irizpideen arabera, kopuru hori 500dik gorakoa denean, leku hori gune gorria dela esan nahi du, alegia, kutsatze maila altua dela leku horretan. Horrekin batera, intzidentzia metatuaren arrazoiak duela 14 eguneko intzidentzia metatua eta egungoa alderatzen ditu. Zenbaki hori 1 baino gehiagokoa den kasuetan, intzidentziak gora egin duela esan nahi du. Kasu honetan, zenbatekoa 0,65ekoa da. Atzo eta herenegun 0,67koa zen: beraz, intzidentzia metatuak behera egin du, atzo baino azkarrago.
Gainera, LABIk hartutako erabakiaren ondorioz, mugakide diren udalerrien artean mugikortasuna baimenduta dago jarduera sozio-ekonomikoak egiteko eta aire zabalean kirola egiteko. Donostiako bizilagunek ondorengo udalerrietara joateko baimena dute: Orio, Usurbil, Lasarte-Oria, Andoain, Zizurkil, Hernani, Astigarraga, Errenteria eta Pasaia.
Intzidentzia osasun eremuka
Bidebieta dagoeneko ez dago eremu gorrian. Beraz, Donostiako auzo guztiek eremu gorrian egoteari utzi diote. Bestalde, Parte Zaharrean baino ez du gora egin intzidentzia metatuak:
- Intxaurrondo: 472,73
- Bidebieta: 444,38
- Amara Berri: 341,72
- Gros: 333,36
- Egia: 323,80
- Ondarreta: 306,50
- Altza-Roteta: 290,36
- Loiola: 232,11
- Parte Zaharra: 224,12
- Amara-Erdialdea: 175,74
Kasu positibo kopuruari erreparatuz, jarraian ikus daitezke atzoko datuak:
-
- Gros: 4
- Altza-Roteta: 4
- Amara Berri: 2
- Egia: 2
- Parte Zaharra: 2
- Bidebieta: 1
- Intxaurrondo: 1
- Ondarreta: 1
- Amara-Erdialdea: 0
- Loiola: 0
