Emakumeen Etxeak hazten jarraitzen duela nabarmendu du udalak
Juana Aranguren Emakumeen Etxeko arduraduna eta Ane Oiarbide Berdintasun zinegotzia. (Argazkia: Donostiako Udala) 
Pandemiak eta konfinamenduak baldintzatu dute Emakumeen Etxearen azken hilabeteetako jarduera, espazioa itxi eta aurreikusitako jarduera batzuk bertan behera utzi behar izan zituzten, nahiz eta aholkularitza zerbitzu batzuek modu telematikoan funtzionatzen jarraitu zuten.
Ane Oiarbide Berdintasun zinegotziak eta Juana Aranguren Emakumeen Etxeko arduradunak zentroko jardueren balantzea aurkeztu dute gaur goizean. Adierazi dutenez, erronka nagusia kalitatezko zerbitzua mantentzea izan da, eta, aldi berean, koronabirusaren osasun neurriak betetzea, Emakumeen Etxea, irailean berriro ireki zuena, espazio segurua izan zedin.
2021eko urtarriletik ekainera, Emakumeen Etxeak 6.091 bisita izan zituen, hau da, hilean 1.015 bisita eta batez beste 56 egunean. 1.626 bazkide daude, goranzko joerari eutsiz (1.544 bazkide aurreko ekitaldian).
Emakumeen Etxeari espazio berri bat emateko beharra aspalditik dagoen gaietako bat da. Aurten, jarduera batzuek ordezko kokalekuak bilatu behar izan dituzte, pandemiak eragindako urruntze-baldintzengatik. Eztabaida zabalik dago oraindik.
