Loiolako Erribera: planoetatik komunitatera

Ertzain batek gazte baten hizkuntza eskubideak urratu dituela salatu du Ernaik

ertzain (Argazkia: Ernai Donostia)

Ernai gazte antolakundeak salatu duenez, asteartean Donostian egin zuten manifestazioaren ondoren, Ertzaintzak hiru gazte identifikatu zituen autobusean zihoazenean, eta euren hizkuntza eskubideak urratu zituzten.

Gazteetako batek identifikazioaren momentuan grabatutako bideo baten bidez egin dute salaketa, eta bideoan entzun daiteke gazteak agenteari eskatzen diola dokumentazioa euskaraz eskatzeko. Ertzainak, ordea, tratua euskaraz jasotzeko eskubidea duela aitortzen badio ere, gaztelaniaz egiteko “beharra” ere baduela esaten dio, bere nortasun agirian “Espainia jartzen duelako”. “Ez da lehengo aldia Donostian horrelako hizkuntza urraketa baten aurrean aurkitzen garela eta hau onartezina da”, salatu du Ernaik.

HITZAkide HITZAkide