Illarrako hirigintza planak 262 etxebizitza eraikitzea aurreikusten du
Donostiako Udalak hasierako onarpena eman dio Illarra eremuko hirigintza planari. 262 etxebizitza berri eraikitzeko –horietatik %50 inguru babes ofizialekoak– azken tramiteetako bat da. Hogei eguneko epean espedientea ikusgai jarriko du udalak.
Jarduketa integratuaren eremua 59.479 metro koadrokoa da, eta urbanizazioa lur sail ezberdinetako jabeen arteko ituntze sistema bidez egingo da. Udalak 846.000 euroko aurrekontu saila zehaztu du datozen bi urtetarako.