Antiguako jaiak antolatu ahal izateko, auzokoen laguntza eskatu dute
Antiguako sansebastianetako kuadrillen bazkaria, 2018an. (Argazkia: Estitxu Zabala) 
Antiguako sansebastianak gerturatzen ari dira, eta auzoko jai batzordeak laguntza eskatu die auzokoei, jaiak behar bezala antolatu ahal izateko. Sare sozialetan argitaratu duten mezuan nabarmendu dute jaiak antolatzeko “ezinbestekoa” izan dela beti auzoko saltokien eta ostalaritza establezimenduen “laguntza estima ezina”. Ordea, azken bi urteotan, pandemia dela eta, auzoko establezimendu txikiek “sekulako galerak” izan dituztela deitoratu dute.
Horregatik, auzokideen laguntza eskatu dute: “Proposatzen dizuegu auzoko hainbat tabernatan jarritako itsulapikoetan zuen ekarpen propioa egitea, bakoitzak bere neurrikoa, denon artean aurten ere Antiguako jaiak ospatzea posible egin dezagun”.
