Etxe turistikoei lizentziak emateari uzteko eskatu du Elkarrekin Donostiak
(Argazkia: Inaxio Esnaola)Inaxio Esnaola 
Elkarrekin Donostiaren ustez, hirian etxebizitza turistikoen eta hotelen “hazkunde geldiezina” ematen ari da. Hori dela eta, Haizea Garai zinegotziak eskatu du etxe turistikoei lizentziarik ez emateko, gutxienez urtebetean, eta lizentzia gehiago ez emateko hirian hotelak ezartzeko.
“Turismoaren fenomenoa ondorio larriak izaten ari da; izan ere, alde batetik, bizitegi eraikinetan hotelak irekitzeak eta etxebizitzetan ostatu turistikoak irekitzeak etxebizitza ugari geratzen ditu bizitzeko, eta, bestetik, etxebizitzen galeraren ondorioz, etxebizitzaren prezioa, bai erosketan, bai alokairuan, etengabe hazten ari da, baita pandemiaren garaian eta horrek gerora eragin duen krisian ere”, azaldu du Garaik.
Bere hiri batzuetan egin den antzera, Donostian lizentziak emateko luzamendu bat ezartzea eskatu du udal taldeak. “Betidanik defendatu dugu herritar guztientzako etxebizitza duina izateko eskubidea, eta Donostian bizi dugun bizitegi larrialdiko egoerak premiazko esku hartzea eskatzen du”, nabarmendu du Garaik.
