Ibaeta Basketek aurkari zuzen baten aurka jokatuko du
Ibaeta Basketen neurketa bat. (Argazkia: Oscar Araujo/Ibaeta Basket) 
Ibaeta Basketek sailkapenean gora egiten jarraitu nahi du, eta horretarako aukera bikaina du larunbatean, Estudiantesen aurkako neurketan. Izan ere, ligako seigarrenak dira donostiarrak, eta zazpigarrenak madrildarrak. Beraz, aurkari zuzena da Estudiantes, eta sailkapenean tartea ireki dezake Ibaeta Basketek, irabaziz gero. Neurketa 19:30ean izango da, Estudiantesen etxean.
Futbolean, Vila-real bisitatuko du Realak larunbatean. Garaipenarekin itzultzea espero dute txuri-urdinek, ezusteko handia izango bailitzateke valentziarrek irabaztea. Izan ere, donostiarrak ligako bigarren sailkatuak dira, eta Vila-real hamabosgarrena da, azken aurrena. Realeko mutilek atsedena dute asteburu honetan.
Eskubaloian, Bera Berak gaur, hilaren 28an, jokatuko du Zonzomasen aurkako neurketa, bere garaian atzeratutakoa. Donostiarrak ligako lehenengoak dira eta kanariarrak azkenak, beraz, partida erraza izan beharko luke Bera Berarentzat.
Azkenik, izotz hockeyan, Txuri Urdinek Milenio Panthersen etxean jokatuko du larunbatean. Partida garrantzitsua da, aurkari zuzenak baitira bi taldeak: donostiarrak seigarrena dira ligan, eta Milenio Panthersekoak zortzigarrenak. Biak bolada txar batean murgilduta daude, azken neurketak galdu baitituzte.
PARTIDAK
Saskibaloia
Emakumezkoen liga, 19. jardunaldia
- Estudiantes – Ibaeta Basket (larunbata, 29, 19:30ean).
Futbola
Emakumezkoen lehen maila, 19. jardunaldia
- Vila-real – Reala (larunbata, 29, 12:00etan).
Eskubaloia
Emakumezkoen ohorezko maila, 11. jardunaldia
- Zonzomas Cicar Lanzarote – Bera Bera (ostirala, 28, 20:00etan).
Izotz hockeya
Gizonezkoen lehen maila, 18. jardunaldia
- Milenio Panthers – Txuri Urdin (larunbata, 29, 20:55ean).
