"Donostiarrek euren bizitza proiektuak hirian garatu ditzaten bermatzeko lan egingo dugu"
Juan Karlos Izagirre EH Bilduren alkategaiak udal hauteskundeetarako zerrenda aurkeztu du gaur arratsaldean, Joseba Elosegi begiratokian.
Donostiako EH Bilduren udal hauteskundeetarako zerrendako kideak. (Argazkia: EH Bildu) 
Donostiak “herritarren beharrei eta kezkei erantzun egokiak emateko” eta “gizarte zein hiri gisa ditugun erronka estrategikoak ondoen erantzuteko mailan egongo den” udal gobernua behar duela nabarmendu du Izagirrek.
Horretarako, “beharrezkoa” iruditzen zaio “udal gobernua, politika publikoak eta arduradun politikoak Donostiako herritarrekin berriro konektatzea”. Ildo horretatik, “erronka honen mailan egongo diren proposamen politikoa eta ordezkari politikoak” behar direla esan du. “Hori da EH Bilduren eta gure hautagaitzaren balio erantsia hurrengo hauteskundeetarako”.
Izagirrek nabarmendu du EH Bilduk Donostiarako aurkeztu duen zerrendak “hiriaren nortasuna berreskuratzeko beharrezko esperientzia eta ezagutza” duela. Era berean, argi utzi du zein den EH Bilduren konpromisoa: “Donostiarrek euren bizitza proiektuak hirian garatu ditzaten bermatzeko lan egingo dugu”.
Alkatetzarako hautagaiak esan du “ziur” dagoela EH Bildu eta gaur aurkeztu duen pertsona taldea dela “hiri honek eta donostiarrek behar duten proiektua gidatzeko aukera politiko bakarra”. Eta adierazi du hautagaitzaren helburu nagusia dela “herritarrei aukerak ematea eta Donostia Europako hiri aurreratuenen parera eramatea”.
Hona hemen EH Bilduren Donostiako udal hauteskundeetarako zerrenda:
1. Juan Karlos Izagirre
2. Olaia Duarte Lopez
3. Javi Vitoria Roma
4. Garbiñe Alkiza Lopez de Samaniego
5. Ricardo Burutaran Ferre
6. Markel Ormazabal Gaztañaga
7. Itziar Iturri Arrazola
8. Izar Hernando Ibero
9. Sandra Barrenetxea Diez
10. Jose Angel Apaolaza Butx
11.Xubane Uribarrena de la Peña
12. Malen Dominguez Zabala
13. Javi Montes Muñoz
14. Iñigo Etxezarreta Toca
15. Lur Gallastegi Zendegi
16. Aitziber Iartza Etxebeste
17. Mikel Osinalde Melchor
18. Pilar Carrere Barbarin
19. Asier Iriondo Etura
20. Garazi Urrusolo Urdinlaiz
21. Agus Rodriguez Burgete
22. Pilar Arratibel Mugika
23. Joxean Eguilegor Santana
24. Amaia Aranburu San Emeterio
25. Gaizka Izagirre Brossa
26. June Iartza Almandoz
27. Rafa Diez Usabiaga
