'Memoria dugulako, memoria garelako' kaleratu du Bultzadak, Aitor Zabaletaren omenez
Horrez gain, gaur manifestazioa egingo dute 19:00etan, Bulebarretik hasita.
Besteak beste, Amets Arzallus bertsolariak hartu du parte dokumentalean. (Argazkia: Bultzada Txuri Urdina) Bultzada Txuri Urdina taldeak hainbat jarduera antolatu ditu Aitor Zabaletaren erailketaren 25. urteurrena dela eta. Gaur (hilak 8) argitaratu du realzalea omentzeko egindako dokumentala: Memoria dugulako, memoria garelako. Bultzadaren hitzetan, bi helburu ditu dokumentalak: Aitor Zabaletari eta bere familiari omenaldi bat egitea, eta 1998ko abenduak 8an gertaturiko “hilketa faxista” salatzea.
Era berean, gaur arratsaldean manifestazioa egingo dute Bulebarrean, 19:00etatik aurrera.
