Bozkatu argazki lehiaketako zure argazki kuttunarengatik!
Gaurtik hasita ostegunera bitarte dago irekita bozka emateko epea, eta ostiralean argitaratuko ditugu lehiaketako irabazleak.
Donostiako 58. Su Artifizialen lehiaketarako erabili zuten argazkia.Carlos Lekube 
Amaitu da IRUTXULOKO HITZAk antolatu duen Aste Nagusiko argazki lehiaketan parte hartzeko aukera, eta iritsi da zure argazkirik kuttunenarengatik bozkatzeko unea!
Sartu irutxuloko.hitza.eus webgunean, argazki lehiaketako atal berezian. Aukeratu zure argazkirik gustokoena eta ipini zure datuak, bozka erregistratzeko. Gogoratu bozka emateagatik bakarrik sari ederren zozketan sartuko zarela! Hauexek dira sari horiek: Juantxo jatetxeko kamiseta eta bi pertsonentzako afaria, Barro zeramikan bi pertsonentzako gosari set-a egiteko ikastaroa, Iñausti jatetxean bi pertsonentzako bazkaria, La Perlako Talaso Zirkuituaz gozatzeko sarrera bikoitza eta Irutxuloko Hitzaren produktu sorta.
Gainera, bi sari nagusi emango ditugu, parte hartu dutenen artean: Irakurlearen saria (Donostiako Arbaso hotelean gau bat eta gosaria Narru jatetxean) eta Erredakzioaren saria (bi pertsonentzako afaria Loiolako Elizalde jatetxean).
Gaurtik hasita ostegunera bitarte daukazue bozkatzeko aukera, eta ostiralean argitaratuko ditugu irabazleak. Zorte on!
