Loiolako Erribera: planoetatik komunitatera
Etxebizitza

Donostiako etxebizitzaren prezioa inoizko altuena da gaur egun

Gros auzoa.Donostia Turismoa

Etxebizitzaren prezioaren gorakadak ez du etenik. Inoizko garestiena da etxebizitza Donostian, metro koadroak 5.708 euro balio du, iaz baino %6,1 baino gehiago. Hala jaso du Gipuzkoako Higiezinen Jabetzako Agenteen Kolegio Ofizialak (COAPI) eta Sabadell banketxeak egindako txostenak.

Zehaztu dutenez, Donostiako etxebizitzaren prezioak hiruhileko honetan %1,7 soilik igo bada ere, iaztik %6,1 igo da “errekor historikoa” eginez. Salmentetan, ordea, ez du eraginik, eta hiruhileko honetan, 609 etxebizitza saldu direla jakin arazi dute, iaz baino %24,5 gehiago.

Alokairuari dagokionean, eskaintza baxua eta prezioen igoera nabarmendu dituzte. Donostian 472 alokairu kontratu sinatu dira hiruhileko honetan, iaz baino %19,5 gutxiago. Prezioa, bataz beste, 1.097 eurokoa da Donostian eta 841 eurokoa Gipuzkoan, iaz baino %7 eta %4,3 gehiago, hurrenez hurren.

COAPIk egindako balorazioan, sektorearen “antsietatea” aipatzen dute, “etorkizuneko espektatiben menpe”, “ezegonkortasuna” sortuz. Honela, onartu dutenez, “gizartearen zati handi bat merkatutik kanporatua dago eta ez du sarbiderik”.

HITZAkide HITZAkide