
Mende erdia bete berri da Altzako bizilagunak auzo elkarte batean antolatu, eta auzoarentzako hobekuntzak lortzeko mobilizatzen hasi zirenetik. Bidea urratu zuen elkarte horrek, baita zenbait lorpen esanguratsu lortu ere.

Otsailaren 21etik 23ra izango dira Ibaetako jaiak, eta martxoaren 1ean, ohiko legez, Aingeru Zaindariaren Eguna ospatuko dute. Inauteriekin kointziditu du aurten, baina ermitara ez dira mozorrotuta igoko, «betiko tradizioa mantentzeko».

Tradizioa oinarri, baina tokira egokituta, neurrira egindako festa atondu dute laugarrenez Añorgan. Hilaren 22an, jai giroz jantzita, azken urtean auzoan zeresana eman duena gainbegiratuko dute.