Azken txanpan sartu da Toki kultur elkartearen euskarazko mahai jolasak diruz laguntzeko kanpaina
Garapen fasean dituzten bi jolasak gauzatzeko 'crowdfunding' kanpaina abiatuko dute.Toki kultur elkartea 
Donostian sortu berri den Toki kultur elkarteak euskarazko aisialdia, kultur sorkuntza eta komunitatea sustatzeko helburua du, mahai jolasak ardatz hartuta. Horrela, bi mahai joko dituzte garapen fasean, 1901 Azken Balea eta Latxa, eta horiek gauzatu ahal izateko diru bilketa azken txanpan sartu da dagoeneko, Itsulapikoa plataforman. Hain zuzen ere, hiru egun baino ez dira falta diru bilketa amaitzeko, eta diru kopuru minimoaren helburua lortzetik oso daude; hemen egin daiteke ekarpena.
1901 Azken Balea euskal balearen ehizaren historian eta itsas tradizioan inspiratutako karta joko semi-kooperatiboa da. Jokalariek arrantzale talde baten parte izango dira, eta elkarlanean zein estrategiaren bidez balea ehizatzeko erronkari aurre egin beharko diote. Jokoak euskal arrantzaleen memoria eta itsasoarekin izan dugun lotura modu dinamikoan gerturatzea du helburu.
Latxa, berriz, euskal artzaintzan inspiratutako familia joko arin eta dinamikoa da. Haur eta familientzat pentsatutako joko honek arriskua kudeatzea, erabakiak hartzea eta jokalarien arteko interakzioa uztartzen ditu, euskal giro eta iruditeria propioarekin.
