Loiolako Erribera: planoetatik komunitatera
Arrauna

Castron eta Orion ariko dira hiru traineru donostiarrak

Donostia Arraun Lagunak liderrak Euskotren ligako bostekoa izango du helburu. Donostiarrako bi ordezkariak, berriz, emaitza onak lortzen ahaleginduko dira.

Arraun_Zierbena 'Lugañenea' trainerua, Zierbenako estropadan.Aitor Arrizabalaga

Kantauri itsasoan jokatuko dira asteburuan, Euskotren eta Eusko Label ligetako estropadak. Bihar, Castron izango da laugarren jardunaldia —17:25ean emakumezkoak eta 18:21ean gizonezkoak—, eta Kantabriako denboraldiko estropada bakarra da. Etzi, berriz, Euskal Herrira bueltatuko dira ontziak, Orioko ohiko banderari aurre egiteko —11:25 emakumezkoak eta 12:21 gizonezkoak—, bosgarren jardunaldian.

Donostia Arraun Lagunak liderrak erronka polita du aurrez aurre, Euskotren ligako lehen bost banderak astintzeko aukera dutelako. Aurreko hiru jardunaldietan ontzi azkarrena izan ostean, asteburuan ere hautagai nagusiak izango dira. Tolosaldea da Lugañenea traineruaren mailatik gertuen dabilena, eta ezin da baztertu gipuzkoarrek ezustekoa ematea. Aldiz, Donostiarrako neskek Zierbenan lorturiko seigarren postuaren bidetik jarraitu behar dute, ontziak hobera egin zuelako. Sailkapeneko azken tokitik ihes egiteko bi estropada izango dira.

Donostiarra_Zierbena

‘Torrekua II’ ontzia Zierbenako estropadan, ziabogetako bat hartzen.Aitor Arrizabalaga

Donostiarrako mutilek, berriz, Madrilen erakutsitako sasoia berreskuratu beharko dute onenen txandara bueltatzeko. Orio, Urdaibai eta Zierbena lehiakide zuzenei Getaria ere batu zaie, eta, beraz, Torrekua II traineruak hobera egin beharko du itsasoan aipaturiko ontziekin parekatzeko. Une honetan, sailkapen orokorreko bosgarren tokian daude. 

Euskotren ligako egutegia, emaitzak eta sailkapena.

Eusko Label ligako egutegia, emaitzak eta sailkapena.

HITZAkide HITZAkide