Kontxako bigarren igandean «amesteko arrazoi asko» daudela uste du Insaustik
Donostia Arraun Lagunak-i egin zioten harrera, iazko Kontxa irabazi ostean.Joseba Parron San Sebastian 
Ez da sekula gertatu, eta datorren igandean gerta daiteke. Kontxako emakumezkoen eta gizonezkoen banderak Donostian gera daitezke, historian lehen aldiz. Horretarako, Donostia Arraun Lagunak-ek duen abantaila baliatu beharko du, eta Donostiarrako mutilen traineruak Oriorekiko duen desabantaila irauli.
Horren inguruan galdegin dio hedabide honek Jon Insausti alkateari, eta igandean “amesteko arrazoi asko” daudela adierazi du: “Pasa den igandean, urduri jarri nintzen. Estropada telebistaz ikusten ari ginen, eta Donostiarrak Orio gainditu zezakeela pentsatzen genuen. Momenturen batean, onartu behar dut, Konstituzio plazan bi bandera ikusi nituela. Albo batean, Donostia Arraun Lagunak, eta bestean, Donostiarra, Kontxako bi banderak dantzatzen”.
Emozio berezia ere piztu diola aitortu du, hiriko traineruek “donostiarren Donostia” irudikatzen dutelako. “Honek bai ordezkatzen duela lantzen dugun hiria. Horregatik, gustatuko litzaidake amets hori egia bihurtzea”, nabarmendu du.
Harrera, Plaza Berrian
Bandera bat edo bi irabazita, Donostiako Udalak harrera egingo dio irabazleari edo irabazleei. “Zaleen besarkada egunean bertan jaso behar dute, Konstituzio plazan. Aurreko urteetan gertatu moduan, hori izango da topagunea”, esan du alkateak.
