
Juan Aizpitartek Lope Agirre konkistatzaileari buruzko erakusketa aurkeztu du Euskal Itsas Museoan. ‘Ni, traidorea’ izenburupean, Antiguako artistaren azken obrak Oñatiko pertsonaiaren argi-ilunetan sakontzeko aukera eskaintzen du.

Euskal Herriko hamar LGTB elkartek Harro Plataforma sortu dute, zuriketari eta faxismoari aurre egiteko. Ekainaren 15ean, Guardetxean egingo dute aurkezpen ekitaldia.

Gotzaindegiak eta udalak bilerak egin dituzte Amara Berriko elizaren etorkizunaz hitz egiteko. Lursaila Donostiako Elizbarrutiarena da, eta han etxebizitzak eraikitzeko asmoa du Gotzaindegiak.

XIX. mendekoak dira Donostiako Udaleko Txistulari bandaren lehen datuak, talde instituzional gisa. Baina askoz lehenagotik zeuden txistulari taldeak hirian. Garaiak asko aldatu dira, baina 2019an txistulari banda ofiziala dauka oraindik Donostiak, eta taldean gauzak asko aldatu badira ere, tradizioak bizirik jarraitzen du.