Hiriko hainbat kaletako argiteria berrituko du udalak
Prim kalea. (Argazkia: Google Maps) 
Donostiako hamabi kaletako argiak berrituko ditu udalak, egungo argiztapenaren ordez jasangarriagoa den beste bat jartzeko. “Energiaren aldetik jasangarriagoa den hiri baterantz beste urrats bat egiteko aukera ematen digu. Gune horietako argiztapenaren ordez LED argiak jarriko dira, eta horrek ere kontsumoa murrizteko aukera emango du”, azaldu du Eneko Goia alkateak.
Lau hilabeteko epea izango du berritzeak, eta 313.253 euroko aurrekontua. Kale hauetako argiztapena da berrituko dutena: Konstituzio plaza, (41.411 euro), Berio Pasealekua (32.241 euro), Argentinar Errepublika (32.366 euro), Okendo kalea (19.662 euro), Prim kalea (10.539 euro), Miramon (1 gunea -19.602 euro / 2 gunea – 20.211 euro / 3 gunea – 32.423 euro / 4 euro – 36.633 euro), Begiristain Doktorea pasealekua (29.614 euro), Karmengo Ama Birgina kalea (21.187 euro) eta Gabriel Aristi kalea (17.358 euro).
